ಸೂರ್ಯ ನಗುತ್ತಲೆ ಇದ್ದಾನೆ
*ಡಾ.ಎಲ್.ಜಿ.ಗಗ್ಗರಿ
1
ಸುಟ್ಟ ನೆತ್ತಿ ಉರಿದರೂ
ಒತ್ತಿ ಕರಕಲಾದರೂ
ಸೂರ್ಯ ನಗುತ್ತಲೆ ಇದ್ದಾನೆ.
ಕೆಳಮಾಳಿಗೆ ವಸುಂಧರೆಯ
ಒಂದೊಂದು ಸುತ್ತಲೂ
ಮುತ್ತಿನ ಸೊಲ್ಲು.
ಸೌಂದರ್ಯ ಅಚ್ಚೊತ್ತಿದ್ದಾಳೆ
ಸೀರೆ ಸೆರಗಿನಲಿ
ದುಂಡು ಮುಖದಲಿ.
2
ಅವನ ಸುಂದರ ನೋಟದ
ನಗುವಿನ ಕೆಂದುಟಿಯ
ಬಿಸಿಯನು ಹಿಮವಾಗಿಸಿ,
ಒತ್ತಿ ಕಚ್ಚಿ ಬಿಡಲೆ ಒಮ್ಮೆ…?
ಫಲ ದೇವತೆಯ ಕನಸಲಿ.
ಕಿಸು ನಗುವಳು
ರವಿಯ ಅರಸಿ
ಕೆಂಬಣ್ಣ ಕಿರಣವೀರ್ಯಕೆ
ಅಂಡಾಣುವಿನ ಗರ್ಭದ ತವಕವೆ..?
ಬಾಳು ಬೆಳಗಲು
ಜೀವ ಉಳಿಸಲು.
3
ಹಸಿರೊಡಲ ಬಾಣಂತಿಯ
ಹರಸಿ ಕೋಳಿ, ಕುರಿಗಳು ಮೇಯುತ್ತಿವೆ.
ಬಣ್ಣದ ಚಿಟ್ಟೆಗಳು, ಚಿಲಿಪಿಲಿ ಹಕ್ಕಿಗಳು ಹಾರುತ್ತಿವೆ.
ಬೆಳಸು ಬಯಸಿದ
ಜೀವ ರಾಶಿಗೆ ಅಚ್ಛೆದಿನ್.
ದಿಗಂತದಾಚೆಗೂ
ಸೂರ್ಯ ನಗುತ್ತಲೆ ಇದ್ದಾನೆ.
ಉಪನ್ಯಾಸಕರು ಸ್ನಾತಕೋತ್ತರ ವಿಭಾಗ ಎಸ್. ವಿ. ಎಂ. ಕಾಲೇಜ್ ಇಲಕಲ್ಲ.
ತಾ.ಇಲಕಲ್ಲ. ಜಿ:ಬಾಗಲಕೋಟ
ಮೊ:.9845383015
