ಗಜಲ್
ನೀನೇ ಕಾರಣ
* ಡಾ.ಶರೀಫ್ ಹಸಮಕಲ್
ಆ ಮಮಕಾರದ ಒಲವಿನ ನಶಗೆ ನೀನೇ ಕಾರಣ
ಈ ಕರುಳಿನ ವಾತ್ಸಲ್ಯದ ಬೆಸುಗೆಗೆ ನೀನೇ ಕಾರಣ
ಚಳಿಗಾಲದ ಬಿಸಿ ಮುತ್ತೊಂದು ಕುಡಿಯೊಡೆದಿದೆ
ಅಂಗಳದಲ್ಲಿ ಕಿರಿಬೆರಳಿಡಿದ ಕೂಸಿಗೆ ನೀನೇ ಕಾರಣ
ಇರುಳೊಂದು ನೆನಪಿಟ್ಟಿದೆ ಕೋಟಿ ನಕ್ಷತ್ರದ ಹೊಳಪ
ಆ ಬೆಸುಗೆಯ ಒಲವಿನ ಚಲುವಿಗೆ ನೀನೇ ಕಾರಣ
ಜಗತ್ತು ಪ್ರತಿಬಾರಿಯೂ ಹೊಸದು ಮಧುಶಾಲೆಯಲ್ಲಿ
ಒಲುಮೆಯ ಧ್ಯಾನದ ಲೋಕದ ನುಡಿಗೆ ನೀನೇ ಕಾರಣ
ಇನ್ನೊಂದರ ಕುಣಿತಕ್ಕೆ ಗೆಜ್ಜೆ ಕಟ್ಟಿದರೆ ತಾಳಹೊಂದದು
ಶರೀಫಾ ನಿನ್ನ ಏರಿಳಿತದ ಬದುಕಿಗೆ ನೀನೇ ಕಾರಣ…
ಊರು ; ಹಸಮಕಲ್
ತಾಲೂಕು : ಮಸ್ಕಿ
ಜಿಲ್ಲೆ : ರಾಯಚೂರು
ಪೋನ್ ; 9480605552
